ماذا قال محمد محمود عبد العزيز لأبطال "الأب الروحي"
الخميس 12/يناير/2017 - 12:40 م
لوجي سامح
حرص المنتج محمد محمود عبد العزيز، على توجيه الشكر إلى كوكبة الفنانين المشاركين فى مسلسل الأب الروحى، وعلى رأسهم الفنان محمود حميدة، وذلك عبر حسابه على موقع تبادل الصور انستجرام.
وكتب محمد محمود عبد العزيز: "العمل الوحيد اللى للأسف ما قدرتش أحضر أيام تصويره نظرا لظروفى اللى الدنيا كلها بقت عارفاها الحمد لله على كل حال، الحلم الحمد لله حصل زى ما تخيلناه أنا و أخويا الكبير ريمون".
وأضاف محمد عبد العزيز: "النهارده حابب أشكر كل النجوم اللى شاركوا فى الأب الروحى واللى وجودهم أكيد أضاف كتير للعمل، وعلى رأسهم عمى اللى يارب يكون عارف أنا بحبه قد أيه أستاذ محمود حميدة ربنا يخليك ويطول فى عمرك، وحابب أشكر كل الوجوه الجديدة اللى إن شاء الله ينتظرهم مستقبل كبير واللى إن شاء الله هيبقوا نجوم بفضل ربنا وحب حضراتكم ودعمكم ليهم".
وأشار قائلاً: "بشكر المؤلف المجتهد هانى سرحان ومدير التصوير المتميز حسين عسر والمخرج الرائع بيتر ميمى، وبشكر رجالة فنون مصر اللى كانوا واقفين وقفة رجالة بجد ورجالة الإنتاج طبعا، وطبعا لن أنسى الجنود المجهولين وهم كل فنيين المسلسل فى جميع الاختصاصات، تسلم إيديكوا كلكوا وإن شاء الله روح الحب اللى بيننا كلنا هتوصل للناس وهيحبوا العمل ويصدقوه زينا بالظبط".
