بالفيديو.. علاء الكحكي يكشف حقيقة بيع "النهار وCbc"
الأحد 02/أكتوبر/2016 - 11:23 م
محمود حمدي
نفى رجل الأعمال علاء الكحكي، مالك شبكة تلفزيون "النهار" الأقاويل التي ترددت في الفترة الأخيرة، أن هناك مفاوضات مع رجل الأعمال ياسين منصور، لشراء قناتي "النهار وCbc" وأن كل هذا الكلام عاري تمامًا من الصحة.
وقال الكحكي، خلال إجرائه مداخلة هاتفية ببرنامج "مانشيت القرموطي" المذاع على قناة "العاصمة الجديدة" الفضائية "بالنسبة للأستاذ رجل الأعمال المحترم ياسين منصور.. نحن لم نجلس جلسة واحدة لكلام على بيع ولا أي شئ.. وانا علاقتي بيه كويسة جداً وبعتز بيه جداً.. والأكيد أنه لم يحدث حتى الآن في الكلام اللي بيتقال ده إن ياسين منصور يشتري القناتين".
وأضاف قائلاً "وفي أخبار إتنشرت قبل كده برضه إني انوي الهجرة إلى إنجلترا.. أولاً انا مش ههاجر ومش هسيب بلدي عشان أنا هسيبها عشان مين.. وأنا لو خرجت من الإعلام في يوم من الأيام برضه هعيش هنا وهموت هنا وهشتغل هنا.. وانا إتعرض عليا عروض كتير من زمان اول ما إتخرجت من كلية حقوق سنة 1993.. إني أشتغل في الخليج وأوروبا ومسبتش بلدي يوم".
وتابع قائلاً "إحنا عندنا مفاوضات مع بعض الأشخاص والجهات على شراكة فقط.. وفي حدود إن الإدارة تكون تحت أيدينا فقط.. وانا اتحدث عن النهار وسي بي سي لأنهم كيان واحد ولا يوجد إنفصال بينهم.. وخلينا نبقى واضحين سبب الإشاعات الكتير دي.. غن هناك حالة قلق وخوف من الإندماج ده".
لمشاهدة المزيد من التفاصيل تابع الرابط التالي..
