رسالة عمرو سلامة لجمهوره: انتظروا "الشيخ جاكسون"

وكتب على صفحته الشخصية بموقع الصور الشهير انستجرام قائلأ:"أنا بحب المشاريع -أفلام أو غيرها- اللي بتوصلك إنك بتنام بتحلم بيها، بتخاف تموت قبل ما تخلصها، بتقتنع إن مافيش حد في الدنيا هايحكيها زيك، بتخلي عندك هدف في الحياة تصحى علشانه، بتحبها كأنها ابنك أو بنتك، بتبقى خايف من اليوم اللي هاتطلع فيه للنور وتديها للناس وماتعرفش تعدل فيها أو تشتغل عليها ثاني وتستسلم لسنة الحياة وتبدأ تحب مشروع جديد". 

وأضاف: "كل مشروع من دول بياخد سنين، علاقتك بيه بتبقى كأنه حبيت واحدة، لأنك بتقضي فيه سنين بتشوفه وتفكر فيه وتحلم بيه كل يوم، لحد ما في يوم بتسلمه لقاعات العرض ويتحول لقصة قديمة، مهما شفت فيه أخطاء أو اشتغلت على مشروع ثاني بتحب أيامه وتحنلها، كل ما المشروع يبقى شخصي كل ما تحسه جزء من شخصيتك، بيقول حاجة مؤمن بيها، بيسأل سؤال شاغلك، بيطبطب على حد أو بيصرخ صرخة مش عارف تطلعها، والأهم بيأرخ حياتك وبيبقى جزء من طريقك وتجربتك الإنسانية".