أحمد حلمى ينفى انتقاده لـ"محمد رمضان" بسبب سيارته

وكتب حلمى على صفحته قائلًا: "أعزائي الكرام .. توضيح بسيط وسريع بخصوص ما حدث بعد نشر الصوره بتاعتي وأنا راكب العربية الميني القديمة اللي كانت معايا في فيلم ظرف طارق .. واللي الناس فهمت إنها بغرض إني بوجهه رساله لزميلي الفنان (محمد رمضان)، وهذا ما أحزنني كثيرًا.. يا جماعة أنا لو عايز أوجه رسالة لأي حد أعرفه كويس أو حتي معرفوش مش هاعمل كده علي مواقع التواصل الاجتماعي .. لاني عمري ما عملت كده أبدًا، لإني ببساطة ممكن ابعتله رسالة على موبايله أو هاكلمه في التليفون". 

وتابع "حلمي" قائلًا:"أما الكلام اللي كان مكتوب تحت الصورة اللي كتير من الناس معرفش ازااااااااي بجد فسروه بالطريقة دي، مع أنه فعلًا مايخصش حد خالص غير واحد صاحبي هو الوحيد اللي هايفهمه لاني قايله بسبب موقف طريف حصل معانا وليه علاقة بالعربية الميني .. علشان كده نهيت الكلام المكتوب بـ " ده كلام في سرك ..... ششش".. زميلي العزيز " محمد رمضان " ... ربنا معاك ويوفقك دايمًا وتحقق كل اللي نفسك فيه في حياتك الفنية".