ميريهان حسين توضح حقيقة تجسديها لشخصية" ريهام سعيد"

وكتبت ميريهان، على حسابها الشخصي بموقع الصور الشهير انستجرام: يمكن عشان السنة دى فى رمضان أنا بعمل دورين شبه بعض.. مذيعة عندها برنامج مهم وبتصور ريبورتاجات وبتعرض قضايا.. تقريبا بعمل نفس الدور فى مسلسلين السنة دى الخانكة والمغنى وده السبب اللى خلاني لازم افرق فى تقديمى للشخصيتين من حيث الشكل وطريقة الكلام والآداء بشكل عام لأن الشخصيتين تقريبا متشابهتين فى الأحداث.

وأضافت ميريهان: الصورة اللى على اليمين دى نور فى مسلسل الخانكة ذات الصوت الهادئ والنظرات الثابتة والثقة بالنفس.. والصورة اللى على الشمال دى جيهان الوكيل فى مسلسل المغنى ذات الإيقاع السريع والاندفاع والتردد فى التصرفات، وأنا كان لازم اخلق فروق زى دى بين الشخصيتين وده ممكن يكون سبب جعل البعض يتصور انى بقلد الإعلامية ريهام سعيد مع إن الشخصية مختلفة تماما عن شخصية ريهام اللى بكنلها كل تقدير و احترام.