عمرو سمير عاطف:"الراحل أسامة أنور عكاشة هو اللى طلب كتابة جزء جديد من ليالى الحلمية

حيث علق سمير عبر صفحته الشخصية ، بموقع التواصل الإجتماعى "فيس بوك" ، على تقديم الجزء السادس من المسلسل مع الكاتب أيمن بهجت قمر ، وعمرو محمود ياسين قائلًا:"أسامه أنور عكاشه الله يرحمه قال فى حوار تليفزيونى بعد الجزء الخامس من ليالي الحلمية أنه بيرحب وبيدعو أى سيناريست أنه يكمل المسلسل .. أنا سمعته بنفسي ، ومش ناسي لأن أول حاجة جت فى دماغى ساعتها إنى أحاول ، وهل اقدر ولا لاء".

وأضاف عطف قائلًا: طبيعي كدة إن ورثة ليالي الحلمية يتنازلوا عنها أو يتنازلوا عن الفكرة وسيناريست اخر يكمل .. ده كلام بيتم بموافقة ورضا بل واقتراح من أسامه أنور عكاشة نفسه الله يرحمه ".

وأـكمل عاطف قائلًا: "تقديس الأعمال الفنيه شئ مؤسف فى الحقيقة ، وفى رأيى بيتناقض مع طبيعة الفن نفسه اللى بتستلزم التغيير والتجريب ده بشكل عام بشكل خاص .. التليفزيون أساسه الاستمرار والاستثناء فيه أنه يقدم أعمال ليها نهاية من أول جزء .. ففكرة إن منتج يقرر أنه يكمل ليالي الحلمية فكرة مش سيئة ولا تضايق ولا تزعل بالعكس .. فى رأيى ، فكرة جريئة من الصعب جدًا أنك تتوقع الناس ها تستقبلها إزاى وأخيرًا الحكم على عمل من قبل ما نشوفه برضه حاجة مش سليمه ، وتوقع الفشل والشعور بالضيق وتخمين أن العمل ها يطلع مش حلو إلى أخر هذا الكلام المحبط مرفوض بالنسبة لى تمامًا العمل لسه أصلًا ما اتكتبش لسه مافيش أي حد ، ولا حتى المؤلف نفسه يعرف هو ها يبقي عن أيه ، وبالتالى نستنى لما نتفرج ، قبل ما نتسرع ونحكم أو نحبط الناس .. بتمنى التوفيق للزميل والصديق العزيز أيمن بهجت قمر والسيناريست عمرو محمود ياسين ربنا معاكو".