أشرف عبد الباقي يتحدث عن أزمة "مسرح مصر" مع الزمالك .. وعلاقته بـ"أمير مرتضى منصور"

فهناك من رأي أن هذا التصرف يدل تحلي فريق "مسرح مصر" بالاحترام والتقدير لجمهور نادي الزمالك، وهناك ما رأي أن هذا الإعتذار ليس ضروريًا، وإن كان الأمر هكذا فلابد أن يقوم الفنان أشرف عبد الباقي وفريقه بالإعتذار لكافة فئات المجتمع التي تطاول عليها بشكل فكاهي في العروض السابقة.

لذلك للحد من هذه التعليقات، كتب الفنان أشرف عبد الباقي علي حسابه الخاص عبر موقع "الفيس بوك"، قائلًا: 

"التعليق الأخير، أتمني يكون تعليقي علي موضوع الاعتذار هو الأخير وبعدين نروح كلنا نشتغل .. أنا قريت تقريبًا كل التعليقات اليومين اللي فاتوا وشفت رد فعل الناس .. أنا هاحاول أوضح الموضوع ببساطة، في الموسم الأول والتاني لما كنا تياترو مصر اتقال إفيهات عن الأهلي والزمالك ممكن ناس يشوفوا أن ده أفيه كوميدي وخلاص ، لكن فيه ناس كتير من جمهور الزمالك زعل .. كان أول رد فعل ساعتها لي أنا والفرقة إن ماينفعش نزعل جمهور كبير مننا ، وكنت ساعتها بقدم برنامج ( مصر البيت الكبير ) ، واستضفت الشباب في البرنامج واعتذرنا لجمهور الزمالك ووعدناهم أن مش هايحصل هزار تاني يضايقهم ، ماينفعش نرجع في كلامنا لأننا هنظهر صغيرين في نظر الناس كلها مش بس الناس اللي اتضايقوا من جمهور الزمالك ، بعد الموسم التاني حصل خلاف بيني وبين الشركة المنتجة ، وانفصلنا أنا والفرقة كلها وعملنا مسرح مصر فكان طبيعي نستعين بمحامي، وكان أول مرة التقي بأمير مرتضي ، وكان بيربطه صداقة بمعظم الشباب من الفرقة ، واتفقنا أنه يبقي المسئول عن القضايا نتيجة الإنفصال عن المنتج، طلب مننا وقتها أن مانزعلش الجمهور مننا وردينا أن الموضوع ده انتهي، الكلام ده كان من شهور قليلة ، وكان أول مرة التقي بالمستشار مرتضي منصور ، وقال لنا أنه مبسوط من المسرحيات اللي في التوقيت الصعب حاجة تضحك الناس بس ماتزعلوش الزملكاوية منكم وكان ساعتها ربيع مقلده في مسرحية قاله انا مزعلتش بالعكس قعدت اضحك بس بلاش الزمالك، وده كان تاني وعد مننا ماينفعش نخل بيها، المسرحية اللي اتعرضت اتصورت اليوم اللي فاز فيه الزمالك بالدوري المشهد ده أنا مش معاهم علي المسرح وهما بقي عندهم خبرة كبيرة للارتجال ومتفقين من قبل كده علي حاجات ماينفعش نهزر فيها منها حساسية الكورة، اتصورت المسرحية ولسرعة بداية العرض ماحضرتش مرحلة المونتاج اللي اكيد هاطلب من المخرج منتاج الأفيه، مش خوفا ولكن احترام وعدنا لجمهور الزمالك ورئيسه وامير مرتضي اللي وقفوا معانا موقف قوي عشان نقوم بالمشروع، يارب أكون رديت علي الكومينتات اللي هاجموا او دافعوا".